Fara í aðalinnihald

Til minnis... ...fyrir næsta ár

Til minnis fyrir eiganda þessa blöggs fyrir næsta ár...

"Kannski væri bara sniðugt að drífa sig í vorferð til útlanda seinnipartinn í maí á næsta ári".
Þegar ég vaknaði í morgun þá var snjór á bílnum, það þurfti að skafa. Esjan var hvít en ég lét það ekkert á mig fá og hugsaði í minni bjartsýni að þetta væri bara smá snjór og færi fljótlega. Þegar ég var hinsvegar kominn í vinnuna fór að snjóa aftur og svo kom sól og svo aftur snjór. Þegar ég kom loks heim uppúr kl. fjögur þá var engin snjókoma en við kvöldverðarborðið leit ég út og sá að það var aftur farið að snjóa. Bjartsýnin er búinn í bili en ég hef gert mér grein fyrir því að ég bý á ÍS-landi. Í þessum skrifuðum orðum er þó ekkert sem bendir til allrar snjókomunnar í dag, nema Esjan hún er ennþá hvít.

Ummæli

Nafnlaus sagði…
Bendi á að í Frakklandi rignir í maí þó inn á milli komi góðir dagar. Farðu enn sunnar í vorferðina á næsta ári
Bergrún
22. maí 2007 kl. 09:06
LBK sagði…
Ég sem var að gæla við Frakkland. Kannski bara best að skella sér til Ástralíu og láta 18 ára gamlan draum rætast.
29. maí 2007 kl. 23:45
Skrifa ummæli

Vinsælar færslur af þessu bloggi

Þrjú ár

Í dag eru þrjú ár síðan ég átti einkasoninn, já ótrúlega fljótt að líða. Að sjálfsögðu er ég eins og flestar mæður og segi það hiklaust að þetta sé stærsta upplifun lífsins og besta og mesta afrek sem ég hef gert. Á þessum tíma fyrir þremur árum var ég búin að vera með hríðir í rúmlega sólahring og búið að sprengja belginn, komin með dripp í æð og ljósmóðirin sem var að fara að vakt var hálf svekkt yfir því að þurfa að fara þar sem hún var viss um að barnið væri að koma. Hann leit dagsins ljós sex tímum seinna.
9 ummæli
Lesa meira

Níu dagar

Það eru níu dagar þangað til að ég fer til Florida og ég er sko fyrir löngu byrjuð að telja niður. Það verður ágætt að yfirgefa þetta verður og fara í sólina í Orlando, Florida. Ég get ekki beðið...
7 ummæli
Lesa meira

Mikilvægasta heimilistækið

Við endurnýjuðum mikilvægasta heimilistækið í dag eftir miklar vangaveltur um hvort það borgaði sig því okkur fannst það heldur dýrt. Hinsvegar ef maður skoðar tölfræðina og kr/notkun þá mætti segja að þetta heimilistæki sé alveg peningana virði. Á þessu heimili er þetta heimilistæki notað daglega. Gamla útgáfan var orðinn úr sér gengin eftir margra ára notkun og misgóða meðferð. Allir fjölskyldumeðlimir nota þetta heimilistæki og það er stöðug barátta um yfirráð á því og eins og algengt er, vinnur oftast sá frekasti. Spurning dagsins er því, hvaða heimilistæki er hér verið að lýsa? Ég þreytist seint á að segja sögur af einkasyninum og í dag fór hann með okkur að velja heimilistækið. Í búðinni rakst hann á ísskáp og opnaði hann og sagði svo "enginn matur" og hrissti hausinn og fannst lítið varið þannig ísskáp.
4 ummæli
Lesa meira