Fara í aðalinnihald

Blögg og ekki blögg

Það mætti segja að enginn sé maður með mönnum nema hann eigi a.m.k. eina ef ekki tvær blöggsíður í dag. Allir eru að keppast við að vera sem frumlegastir við blöggið sitt. Moggablöggið tröllríður nú þjóðfélaginu og maður getur varla komist hjá því að skoða eitt eða tvö moggablögg ef maður á annað borð skoðar mbl.is. Flott að blögga um fréttir! Svo eru blöðin og nú Ísland í dag á Stöð 2 farin að vitna í hin og þessi blögg. Greinilegt að sumar blöggsíður eru vinsælli og flottari en aðrar.

Sumir eru að velta því fyrir sér hvaða frétt á að blögga um næst, hvernig best sé að vera sem frumlegastur eða segja eitthvað gáfulegt um hitamál í þjóðfélaginu og helst þarf að blögga einu sinni á dag. Ég blögga nú bara um mitt daglega líf og fyrir mig og karlana mína tvo (eiginmanninn og einkasoninn) þegar mér dettur í hug. Held þessu aðallega út sem dagbók, nokkurs konar geymslustað fyrir mig enda hef ég ekki látið marga vita af þess blöggi eins og sést kannski best á þeim griðarlega fjölda "commenta" sem ég fæ. Væri kannski gáfulegra að hafa þetta læst en ég mér er svo sem sama hver les þetta, a.m.k. í bili. Lifi líklega ekki það spennandi lífi og hugsa nú að það hafi ekki margir aðrir áhuga á því aðrir en ég, enda og skrifa sjaldan um fréttir og hitamál í þjóðfélaginu.

Æ, best að skrifa um eitthvað skemmtilegra á morgun.

Ummæli

Bergrun sagði…
Ég les alltaf hjá þér og hef gaman af. Hef meira að segja kommentað líka :-) Og ég er alveg sammála þér um þessi blogg öll sömul, finnst allt í lagi að nota þetta sem dagbók bara. Það er mjög gaman að lesa þetta yfir seinna og þó svo að maður segi ekki allt sem maður myndi skrifa í venjulega "lokaða einkadagbók" þá rifjast þeir hlutir oft upp við lestur gamalla færslna
10. janúar 2007 kl. 08:44
Skrifa ummæli

Vinsælar færslur af þessu bloggi

Á bílnum í vinnuna

Siggi hjólaði í vinnuna í dag í fyrsta skipti þetta árið. Í staðinn fékk ég að fara á bílnum í vinnuna og nýtti ég mér tækifærið og svaf aðeins lengur, en mætti þó í vinnuna 20 mínútum yfir átta. Oh, það var næs. Hinsvegar er verið að yfirfara holræsin í götunni minni og ekkert vatn í allan dag frá kl. 7:45 og fram á kvöld. Þegar ég var að fara á bílnum í vinnuna voru því einhverjir vinnubílar að skoða holræsin og ég eiginlega föst inní götunni. Það endaði með því að ég gerðist lögbrjótur og keyrði þar sem ég má ekki keyra, segi ekki meir ef löggan les reglulega síðuna! Í gær fór ég í vikulegan göngutúr með Sigurborgu frænku og í þetta skiptið kom Hulda frænka með okkur. Við löbbuðum um laugardalinn og hverfið þar í kring, í yndislegu vorveðri. Svona á lífið að vera.
Skrifa ummæli
Lesa meira

Hakk og spagettí

Hakk og spagetti er á boðstólnum í þriðja skiptið þessa vikuna. Fengum það fyrst á sunnudaginn og svo aftur á þriðjudaginn, vorum boðin í mat í bæði skiptin. En þar sem þetta er reyndar uppáhaldið hjá feðgunum þá er það bara mjög gott mál. Ef einhverjum öðrum langar að bjóða okkur í hakk og spagetti, þá endilega bjóða sig fram. Í dag ákváðum við að elda í þriðja skiptið hakk og spagettí en það er reyndar bara handa einkasyninum (hann bað sérstaklega um það) en við ætlum að búa til eitthvað annað úr hakkinu okkar, ætli það verði ekki bara buff. Í þessum skrifuðu orðum eru feðgarnir í eldhúsinu að elda. Annar að elda og hinn að hjálpa til, einkasonurinn er nefnilega nokkuð viss um að það gangi ekki að elda nema hann hjálpi til.
Skrifa ummæli
Lesa meira

Gleðilegt sumar

Já, þá er sumarið víst komið og tja jafnvel farið þetta árið. í gær var sumardagurinn fyrsti og aldrei man ég eftir að það haf verið janf gott verður á sumardagin fyrsta og í gær, algjör bongóblíða. Ingólfur bróðir átti afmæli í gær, 22. apríl, þannig að við fórum í smá kaffiboð til hans og Ingu og fengum þessa fínu súkkulaðitertu með jarðaberjum og rjóma, namm, namm og takk fyrir mig. En við stóðum í stórræðum í gær, þó aðallega Siggi en ég sá um að stjórna. Siggi málaði nefnilega stofuna hjá okkur. Reyndar náði hann bara að mála þrjá veggi en þá kláraðist málingin. Að sjálfsögðu er núna miklu bjartara og fallegra inní litlu stofunni okkar og við skiljum bara ekki af hverju við vorum ekki búin að gera þetta miklu fyrr. Við héldum svo uppá sumarið með því að skella okkur á “stælinn” (þýðing: American Style) um kvöldið. Ekki leiðinlegur dagur það. Í dag er svo hálfgerður mánudagur en í raun er föstudagur. Mjög svo skemmtilegt því á morgun er nefnilega komin helgi aftur. Mætt...
Skrifa ummæli
Lesa meira