Tommi og jenni eru uppáhalds sjónvarpsefni einkasonarins og helst vill hann horfa á spólur sem við eigum ekki. Yfirleitt er ekki leyfilegt að horfa á auka sjónvarpsefni á virkum dögum en í undantekningartilvikum, þegar maður kemur dauðþreyttur heim úr vinnunni, þá er nú ágætt að eiga eina spólu af Tomma og Jenna. Það var gert í dag.
Í dag eru þrjú ár síðan ég átti einkasoninn, já ótrúlega fljótt að líða. Að sjálfsögðu er ég eins og flestar mæður og segi það hiklaust að þetta sé stærsta upplifun lífsins og besta og mesta afrek sem ég hef gert. Á þessum tíma fyrir þremur árum var ég búin að vera með hríðir í rúmlega sólahring og búið að sprengja belginn, komin með dripp í æð og ljósmóðirin sem var að fara að vakt var hálf svekkt yfir því að þurfa að fara þar sem hún var viss um að barnið væri að koma. Hann leit dagsins ljós sex tímum seinna.
Ummæli
Bestu kveðjur Sigurborg og Árni