Lilja Bjarklind

Hvernig væri að koma smá lífi aftur í þetta blögg? Datt það í hug eftir verstu veikindahelgi í manna minnum og það þurfti auðvitað að vera fyrsta helgi sumarsins með góðu veðri og það hvítasunnuhelgin. Jæja, það koma dagar eftir þennan dag og helgarnar eiga eftir að verða fleiri í sumar. En núna er best að fara að sofa. Aldrei að vita hvað gerist á morgun.

Mars að verða búinn og það eru að koma páskar. Þetta líður bara alltof hratt. 18. mars var haldið uppá 250 ára afmæli í vinnunni minni. Byrjaði á Bessastöðum, fórum síðan upp í Nesstofu, á Hótel Sögu og endaði með málþingi í hátíðarsal HÍ. Skemmtilegur dagur og svo er bara spurning hvort að þetta verði síðasta árið enda á að sameina á næsta ári. Ég er búinn að vera í meðgögnusundi á Hrafnistu síðustu tvo mánuði og er nokkuð ánægð með það. Finn a.m.k mun á mér þegar ég kemst ekki.

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.

Það fór nú ekki svo að við hérna á höfuðborgarsvæðinu fengum engann snjó þetta árið. Það má nú nánast segja að þetta sé fyrsti snjórinn á árinu og febrúar að verða búinn. Það bara kingir niður snjó og bílarnir hérna fyrir utan eiga í mesta basli, þessir afturhjóladrifnu komast ekki einu sinni upp brekkuna, a.m.k. er einn BMW búinn að hringsóla hérna í um hálftíma. Annars er einkasonurinn á fótboltaæfingu með tveimur vinum sínum. Móðir annars þeirra kom og keyrði þá. Litla stráknum mínum finnst nú svolítið erfitt að fara á foreldranna en ætli það sé ekki kominn tími til að klippa á naflastrenginn, þar sem annað barn er á leiðinni og minn maður að fara að byrja í skóla næsta haust. Já, allt líður þetta. Ég minntist nú á við eiginmanninn að loksins þegar maður getur farið að sleppa hendinni af einkasyninum og orðinn aðeins frjálsari þá kemur bara annað barn. Um að gera að halda sér við efnið.

Aumingja borgarbarnið mitt sem hefur varla séð snjó síðustu ár var að segja mér að á Akureyri væri sko gaman að vera enda mikill snjór þar. "Á Akureyri er svo mikið af snjó að þar eru kaflar af snjó" Held að hann hafi átt við skafla af snjó!

Einkasonurinn var frekar svangur í morgun eða eins og hann komst að orði: "Ég er eldsvangur og glorþyrstur" Annars er konudagur í dag og karlarnir mínir gáfu mér blóm í gær og í morgun fór stóri karlinn út í bakarí og keypti heilhveitiskonsur á meðan ég bjó til heitt súkkulaði með rjóma. Svona á lífið að vera.

Ef einkasonurinn man ekki orð þá býr hann þau bara til. Í gær mundi hann ekki orðið tölur og nefndi þær bara "hneppur" í staðinn. Kannski ekki svo galið.

Vá, hvað það er mikið rok úti. Ég og einkasonurin urðum næstum úti á Smáratorgi áðan þegar við vorum að reyna að komast inn í bílinn okkar áðan. Þá er nú gott að vera komin heim í góðu yfirlæti. Karlinn að horfa á handboltan og einkasonurinn farinn í afmæli til Jóns Helga vinar síns. Þá fæ ég frið til að vera í tölvunni. Næs...

Lítið sem ekkert að gerast á þessum vígstöðum, en samt smá fréttir.

Við vorum eiginlega búin að plana útilegu um helgina en frúin á heimilinu tókst að ná sér í kvef og hálsbólgu eins og svo oft áður og þorði því ekki að gista í tjalid. Við fórum því í staðinn bara í dagsferð í þessu frábæra veðri. Við fórum Hvalfjarðargöngin og enduðum á Langasandi á Akranesi sem er algjör Paradís og keyrðum svo Hvalfjörðinn til baka. Við Langasand á Akranesi. Einkasyninum fannst þetta sko ekki leiðinlegt. Endaði með því að vera á nærbuxunum (sem einnig blotnuðu að lokum) og stuttermabol enda var veðrið frábært. Í Hvalfirði. Við Steðja í Hvalfirði. Glæsilegur steinn sem sést ekki frá veginum.

Ég elska miðnætursólina og get ekki fengið nóg af henni. Verst hvað ég fer alltaf seint að sofa á þessum tíma þar sem mér finnst ég vera að missa af einhverju. Fór í kvöld út á Gróttu og dáðist að miðnætursólinni.

Þjóðhátíðardagurinn sautjándi júní að kvöldi kominn og öll fjölskyldan er dauðþreytt. Eins og sönnum Íslendingum sæmir þá tókum við allan pakkan, s.s. skrúðganga, leiktæki, hoppukastali, máling í framan og að sjálfsögðu einnig fylgst með skemmtiatriðunum - svo eitthvað sé nefnt. Við fórum á Rútstún eins og sannir Kópavogsbúar, geymdum bílinn við Kópavogsskóla og drifum okkur í skrúðgönguna. Skemmtilegur dagur og enginn rigning (svona hér um bil). Ég minnist þess þó helst að hafa staðið í biðröðum við hin og þessi tæki en einkasonurinn var mjög ánægður. Enduðum í stautjándajúní kaffi hjá stórfjölskyldunni, nánar tiltekið hjá Gauja frænda og Huldu rétt hjá Rútstúni og löbbuðum svo til baka þar sem við sóttum bílinn. Hér eru nokkrar myndir af þjóðhátíðardeginum. Feðgarnir í skrúðgögnu. Á rútstúni, hvern þekkir þú? Loksins í hoppukastalanum, eftir biðröðina miklu. Framleiðsla á fígúrum. KÓS var alveg viss um hvað hann ætlaði að láta mála framan sig, giskið þið svo! Ok, hann vildi verða sva...

Rakst á þetta myndband. Reyndi að koma því á netið um áramótin og svo aftur í mars en hélt að það hefði ekki tekist þar sem það var allof stórt í MB. Það virðist þó hafa tekist þannig að ég læt þetta núna inná síðuna, aðallega fyrir mig og þá sem nenna að horfa á þetta. Þetta er frekar langt og hljóðið ekki uppá marga fiska en þetta var uppáhaldslag sonarins 2008 (NB ekki uppáhalds lagið mitt) og auðvitað er þetta myndband algjört meistaraverk.

Við fórum á Laugarvatn um helgina í sumarbústað og það var gaman. Eiginmaðurinn fór 18 holur í golfi bæði laugardag og sunnudag og einkasonurinn stundaði heitapottinn grimmt, prófaði minigolf og lét dekra við sig. Frúin á heimilinu fór í sund á Laugarvatni, prófaði minigolf og prjónaði. Nú erum við komin heim í heiðardalinn og alvara lífsins tekur við á morgun. En, æ hvað það er nú gaman að fara aðeins út fyrir borgina og njóta þess sem sveitin hefur uppá að bjóða. Til minnis: Vá hvað himininn og sólarlagið er flott núna. Það er best að búa á Íslandi, kannski ekki í Kópavogi í augnablikinu en það lagast.

Fór í fyrsta skipti á ævinni upp Esjuna í gær. Vá hvað það var erfitt og vá hvað það var gaman. Ég komst ekki alla leið en það verður bara seinna. Önnur ferð plönuð í næstu viku. Uppfært: Bætti við mynd en er ekki ennþá búinn að fara aftur. Stefni á að gera það þegar ég er kominn í sumarfrí um miðjan júlí.

Við vorum að keyra um daginn og þá sér Kristófer Óli kjúklingastaðinn KFC. Hann segir, mamma veistu hvað þau segja alltaf í sjónvarpinu, "KFC, núll grjón af tans bitum". Hahaha, segið svo ekki að auglýsingar hafi ekki áhrif. Eiginlega of mikil áhrif á þessu litlu kríli. Maður fattar það ekki alltaf.  Annars er Kristófer Óli einnig heima í dag, en hann er orðinn eldhress og fer í leikskólann á morgun. 

Einkasonurinn fór í aðgerð í morgun. Það voru teknir úr honum nefkirtlarnir og sett rör í annað eyrað. Ég var nú að vonast til þess að hann væri vaxinn uppúr þessu enda örugglega tvö ár síðan hann fékk síðast rör en því miður. Ég dauðkveið fyrir aðgerðinni en hún gekk ágætlega. Hann var þó ekki sáttur þegar hann vaknaði og þá grét minn maður bara og grét svo mikið að okkur var bara hent út, hahaha! Jæja, kannski ekki alveg en svona næstum því. Eins og ég nefndei þá grét hann bara og grét og þegar hann sagði að hann vildi ekki vera þarna lengur þá sagði hjúkkan bara að hann mætti alveg fara, dauðfeginn að losna við okkur. Við hlupum því út með grátandi strák og hann jafnaði sig ekki fyrr en við vorum komin heim.  Ég var því heima með honum í dag. Hann er óskup lítill ennþá þannig að við sjáum til hvort að hann fer í leikskólann á morgun. 

Við fórum með foreldrafélagi leikskólans í sveitaferð á Hraðastaði í dag. Kristófer Óla fannst skemmtilegast að leika sér á gömlum traktór og gefa kindunum hey enda bílakarl og vinnumaður með meiru. Gaf sér þó tíma til að skoða aðeins kettlingana og hvolpana. Meðfylgjandi er ein sæt mynd af honum að kíkja á kettling.

Já, það eru sem sagt 20 ár síðan ég útskrifaðist úr gagnfræðaskóla og reiknið þið bara nú! Í gær voru svo endurfundir eða Reunion. Ég var búinn að velta því mikið fyrir mér hvort að ég ætti að fara því að ég hef ekki sé flesta í 20 ár. Á síðustu stundu ákvað ég að drífa mig og skemmti mér bara konunglega. Dagurinn byrjaði snemma eða uppúr hádegi þar sem við fórum í ratleik, síðan fengum við að skoða Hvolsskóla en þangað hef ég ekki farið í 20 ár. Að lokum var kvöldveður á Hótel Hvolsvelli. Bara hið skemmtilegasta Reunion og hér eru nokkrar myndir sem sýna það.   Í "kaupfélaginu" með viðskiptavinum. Í ratleiknum við kirkjuna á Hvolsvelli. Heima hjá Einari kennara. Á hótel Hvolsvelli um kvöldið. 

Í fyrra hafði starfsmannafélagið skipulagt vorferð í maí en það fór þannig að hún var aldrei farinn. Ástæða þess er sú að sama dag og ætlunin var að fara í vorferð austur fyrir fjall kom Suðurlandsjarðskjálfti, aðeins klukkutíma áður en áætluð brottför var hjá okkur, þannig að ferðinni var aflýst. Ætlunin var að fara á Stokkseyri og borða humar, á leiðinni var m.a. ætlunin að skoða hella. Ég hefði nú ekki gefið mikið fyrir það að vera inni í helli þegar skjálftinn reið yfir.  Í gær fórum við svo í vorferðina sem aldrei var farin í fyrra. Þetta var hin skemmtilegasta vorferð og við stoppuðum í Hellisheiðavirkjun og kíktum á veiðisafnið á Stokkseyri áður en við hámuðum í okkur humar við Fjöruborðið.  Við Hellisheiðarvirkjun Siggi í lopapeysunni sem ég kláraði í byrjun maí. Fyrsta fullorðins lopapeysan sem ég prjóna! Stjórn starfsmannafélagsins Við hjónin mætt á veitingarstðinn Við fjöruborðið Nammi, namm, humar