Lilja Bjarklind

Horft á Eurovison í gær og Eurovison á morgun. Nóg að gera fyrir Eurovisonaðdáendur, erum við það ekki öll inn við beinið. Bara mismunandi hve dugleg við erum að viðukenna það fyrir okkur sjálfum og öðrum. Enda ekki á hverjum degi sem Ísland kemst uppúr milliriðli, það er svo hægt að rífast um það hvernig lagið er. Get ekki sagt að það sé eitt af mínum uppáhalds... ...en hvaða máli skiptir það þegar Eurovisionkvöld er í nánd. Eurovisonveðmálspottur í vinnunni í dag þar sem hver lagði kr. 300 undir. Ég valdi 13. sætið og tel mig vera nokkuð bjarsýna. Ótrúlegt hvað YouTube er sniðugt. Ég var að kynna Eurovison fyrir einkasyninum. Að sjálfsögðu kítkum við á frammistöðu íslenska lagsins og einkasonurinn er meira að segja farinn að raula með. Get reyndar ekki sagt að framburðurinn sé skiljanlegur en skv. honum heitir lagið "Disis dalæf". Þegar við höfðum séð íslenska lagið tvisvar sinnum kíktum við á nokkra gamla sigurvega eins og Ruslönu. Það er ekki hægt að segja annað en það s...

Fyrst við erum byrjuð að tala um Frakkland þá verð ég koma með smá auglýsingu hérna. Til að byrja með þá verð ég að viðurkenna að Eurovision hefur farið fram hjá mér í ár en oft er ég dyggasti aðdáandi hennar eins og nánast allir Íslendingar. Var að fatta eð eitt lag sem ég hef heyrt oft og finnst bara nokkuð flott er framlag Frakka til Eurovision þetta árið. Ég var að ákveða að ég held með því lagi.

Við hjónin áttum frábæra helgi í Paris og nutum þess að skoða borgina í fyrsta skipti. Gerðum auðvitað allt það sem túristar eiga að gera svona eins og... Fórum upp í Effelturninn Sáum Siguborgann Hittum Mónu Lísu ...og auðvitað margt margt fleira . Mæli með vorferð til Parísar.

Ekki á morgun heldur hinn fer ég til Parísar!

Hvað eiga þessir einstaklingar sameiginlegt? Agneszka Fidan Greg Ási Ágústa Linda Marsy Gustav Helgi Aga Áslaug Áshildur Jón Bragi Nr. 1 Jóhanna Eva Hafdís Katarzyna Edyta Atli Gizepoiz Jú, þeir hafa allir afgreitt mig í Bónus, Hagkaup, Nettó eða í öðrum búðum á síðustu vikum. Kemur mér í raun óvart hvað þarna eru margir Íslendingar.

Einkasonurinn: "Mamma, hvað ertu að borða." Vongóður um að hafa nappað mömmu sína borða nammi og gæti þá jafnvel snýkt eitthvað handa sjálfum sér. Móðirin: "Furuhnetur." Sýnir einkasyni sínum skál af furuhnetum sem átti að fara út á salatið. Einkasonurinn (steinhissa): "Ha, FURÐU HNETUR!"

Ég veit ekki hvort ég eigi að þora að skrifa þetta hérna en ég er aftur komin með streptokokka. Sem betur fer líður mér betur en fyrir rúmlega tveimur vikum þegar ég fékk líka streptokokka og sýklalyf við þeim (sem ég tók samviskusamlega allan tímann). Tókst að fara í streptokokkapróf í gær og fékk jákvætt við því þannig að ég er aftur komin á sýklalyf og líður strax betur en síðast tók það nokkra daga ef ekki viku að jafna mig. Mér til málsbóta þá kemur það fyrir um 10% af einstaklingum sem fá streptokokka að þeir komi upp aftur. En þetta er samt síðasta veiki verarins (bara framhald af þeirri sem ég fékk síðasta vetrardag) og nú er komið sumar með sól í heiði og enga veikindadaga og allt verður gert til að halda því, sem flest m.a. í inntöku lýsi, vítamín og Omega Forte, út að labba á hverjum degi og ég veit ekki hvað og hvað. Einkasonurinn er að jafna sig af hlaupabólunni og nú get ég formlega gefið yfirlýsingu um það að hlaupabólan hans var einstaklega væg, bólurnar voru fáar og ho...

Þurfti að fara í bankan í dag til að útrétta og var eitthvað að spá í sparnaði. Sá að ég hafði ekkert vit á þessu, bankastarfsmaðurinn hefði alveg eins getað talað kínversku við mig. Púff, núna þarf maður að leggjast í lestur og skoða hvað er besta leiðin. Alltaf nóg að gera.

Fór í hinn vikulega göngutúr í kvöld með gönguklúbbnum. Það var búið að rigna í allan dag en um leið og við stigum út hætti að rigna og ekki dropi úr lofti allan göngutúrinn sem var að þessu sinni í Hafnarfirðinum. Já, það er munur að hafa svona sambönd. Annars er hlaupabólan ennþá í heimsókn, verður sem sagt fjör að vera inni alla Hvítasunnuhelgina. Gef ekki út neinar yfirlýsingar um hve skæð hlaupabólan er fyrr en sést í endalok hennar.

Fór í leikhús á sunnudagskvöldið á stórskrítið leikrit . Það var þó betra en á horfðist í fyrstu. Sé þó að ég veit ekki alveg hvernig á að fatta svona menningarleg leikrit. Mér fannst nú samt gaman að drífa mig í leikhús með skemmtilegum félagsskap, sé að maður þarf að fara oftar. Einnig komst ég að því stóri salurinn í Þjóðleikhúsinu er ekki eins stór og þegar ég var lítil. Fyrir einhverja ótrúlega tilviljun held ég að ég hafi síðast séð leikrit í þessum sal þegar ég fór á Dýrin í Hálsaskógi fyrir um 30 árum, man a.m.k. ekki eftir öðrum leikritum í þessum sal. Reyndar komst ég einnig að þessum sal var gjörbreytt við lagfæringarnar á Þjóðleikhúsinu hérna um árið eins og frægt er orðið, það gæti verið ástæðan fyrir því að ég man ekki eftir neinum leikritum í þessum sal.

Hr. Hlaupabólus vaknaði fyrir kl. 7 í morgun tilbúinn til að fara á fætur. Þar fór draumurinn um að sofa aðeins lengur því ég er heima með veikt barn. Já, einkasonurinn er kominn með hlaupabóluna. Var farinn að gruna það í gærkvöldi þar sem það sást til einnar bólu og hann búinn að vera með hita í tvo daga að engu tilefni (þ.e. ekki kvef, hálsbólga eða eyru). Í morgun voru bólurnar orðnar fleiri og því komin staðfesting á hlaupabólu. Mig grunar að það verði Tomma og Jenna maraþon í dag.

Við hjónakornin fórum á árshátíð með vinnufélögum eiginmannsins í gærkvöld. Árshátíðin var haldin á skemmtistaðnum Rúbín og tókst mjög vel enda klikkaði uppskriftin að árshátíðinni ekki þ.e. góður matur, félagsskapur, skemmtiatriði og diskótekari. Þetta var í fyrsta skiptið sem ég kom á þennan skemmtistað og kom hann skemmtilega á óvart, flottur staður í ótrúlegu umhverfi.

Einkasonurinn á þriggja og hálfsársafmæli í dag. Það er því tími til að líta um öxl og skoða nokkrar myndir af honum. Hérna er hann fyrir ári síðan tveggja og hálfsárs Nýorðinn eins og hálfsárs, að skoða skóna hans pabba síns í byrjun maí 2006. Að lokum ein mynd af honum sem tekin var þegar hann var sex mánaða. Ótrúlega margt hefur breyst síðan en einhvernveginn er það svo stutt síðan.

Dagurinn byrjaði í leti en endaði í rúmlega klukkustundar göngutúr. Notuðum svo líka góða veðrið og þar sem bensínið er svo svakalega ódýrt ákváðum við að fara bíltúr. Við kíktum aðeins á Reykjanes, nánar tiltekið hluta af Krísuvíkurleiðinni og Kleifarvatn. Nokkrar myndir því til staðfestingar.

Mér tókst loksins að taka mér aukafrídag í dag en ætlunin var að taka hann á föstudaginn, sem frestaðist vegna veikinda. Það var svo sem ágætt að geta lengt fríið eða veikindafríið. Þó að ég sé hálfslöpp ennþá þá tókst mér að gera alveg fullt. Það var einhvern veginn svona: Fara með soninn til eyrnalæknis Kringlan (kíkt á sumarhúfu fyrir soninn og hann fékkst til að máta hana. Engin húfa þó keypt í þetta skiptið) Keyra heim Út að borða í hádeginu (sonurinn fékk að velja - McDonalds í Skeifunni) Keyra niður í bæ Fara með soninn í klippingu í Grafarvoginn (NB. það er út í sveit!) Fara með peningabaukinn í bankann með syninum Skoða dýrabúðina í Mjódd með syninum Netto Keyra aftur heim og vorum heima í klst. í þetta skiptið Keyra niður í bæ Skila bók sem gleymdist á bókasafnið. Auk þess fullt af öðrum smáatriðum, það er spurning hvort að hægt sé að kalla þetta frídag. Svo ætla ég að kíkja á vinkonu mína í kvöld sem er 35 ára í dag, til hamingju með afmælið Gunnhildur.

Fylgdist með myndatöku á hjá systkynum móður minnar kl. 10.00 í morgun, bæði inni og úti í góða veðrinu. Þau voru saman komin öll fimmtán systkynin, hvert öðru glæsilegra. Síðan fylgdi þeim í Brunch á Hótel Hilton Reykjavík Nordica (gömlu hótel Esju) og endaði með því að ég fékk mér einnig að borða þar með þeim og ég er ennþá södd. Greinilegt að það er mjög vinsælt að fara í Brunch á sunnudögum því ég get svarið það að hálft Ísland var þar saman komið enda mæli ég með því að skella sér einhvern sunnudaginn í Brunch, munið bara að panta borð fyrirfram.

Einkasonurinn hefur dálæti á auglýsingabæklingum, sérstaklega dótauglýsingabæklingum. Hann situr og velur sér dót sem honum langar í. Ekki er verra að annað hvort okkar foreldranna sé að skoða bæklingana með honum svo hann geti nú sagt okkur hvað honum langar í svo við getum vitum hvað við eigum að kaupa næst þegar farið er í dótabúð. Þegar ég skoða bæklinginn með honum skoðar hann stundum stelpudótið líka, þar sem hann er viss um að það sé draumur minn að eignast það. Í gær voru feðgarnir að skoða enn einn dótabæklinginn saman en skiptu um hlutverk. Faðirinn: "Mamma, mamma, mig langar svona dót og svona dót, mig langar í allt sem er í blaðinu" . Kristófer Óli snéri sér aftur og horfði á allt dótið sem var í hilluni en sagði svo: "Þú átt nóg af dóti". Faðirinn gafst ekki upp og sagði: "Mig langar samt í svona og svona og svona". Kristófer Óli sagði þá frekar þreytulega: "Það er ekki hægt, ég á svo lítinn pening. Þú getur ekki fengið allt". Ó já.....

Er að ná mér, var í einhverju hitamóki í gær en dagurinn í dag er öllu betri. Ég er jafnvel farinn að gera mér vonir um að ég komist út á morgun. Læt hérna fylgja eitt af uppáhöldslögum einkasonarins, Meira frelsi með Mecedes Club. Ég verð þó að viðurkenna að ég væri til í að heyra það sjaldnar en hér getur hann núna hlustað á lagið aftur og aftur...

Það fór ekki svo að húsmóðirin slyppi við streptókokka veikindaveturinn mikla. Fékk hita seinnipartinn í dag og um kvöldmatarleitið gat ég bara ekki einu sinni kyngt munnvatni. Dreif mig því á Læknavaktina og fékk úrskurðinn áðan. Steptókokkar og pensilín. Það er eins og við manninn mælt ég var kominn í fjögurra daga frí. Best að taka það út í veikindum.

Ég ætla að nota tækifærið og óska einkabróður mínum innilega til hamingju með 30 ára afmælið í dag og ég vona að hann njóti dagsins. Þegar ég var 13 ára þá var pabbi minn 33 ára og mér fannst hann alveg hundgamall. Núna finnst mér 30 ára vera bara ungt enda litli bróðir minn núna búinn að ná þeim aldri. Svona er aldur afstæður. Til hamingju með afmælið!