Fara í aðalinnihald

Helgarfléttan - enn og aftur

Hef nú ekkert skrifað fyrr en fyrir helgi þannig að ég verð bara að sameina þetta allt saman í einni helgarfléttu.

Haldið þið ekki bara að ég hafi tekið mér frí í vinnunni á föstudaginn. Fyrsti sumarfrísdagurinn minn þetta árið. Já, það var svo erfitt að koma aftur í vinnuna eftir allt páskafríið að ég varð bara að fá mér einn frídag. En það var sko kærkomin frídagur. Ég svaf út og svo fór ég til mömmu og pabba og dró mömmu með mér í Smáralindina en eftir tvo tíma þá vorum við orðnar drulluþreyttar þannig að við fórum bara heim aftur. Ég var svo bara heima hjá mömmu og pabba þangað til Siggi var búinn í vinnunni og þá fór ég og sótti hann og við Siggi fórum í Bónus í Hafnarfirði ásamt öllum hinum Hafnfirðingunum og einnig þeim sem búa á Álftanesi (hitti nefnilega eina sem er að vinna með mér og hún býr sko á Álftanesinu). Það var sem sagt margt um manninn í Bónus og eftir þá ferð þá fórum við aftur í Hörgatúnið og í þetta skiptið skelltum við í okkur pizzu með mömmu, pabba og Ingólfi. Eftir það drifum við okkur svo í Grænahjallan og hittum þar systkyni hans Sigga og horðum á American Idol með þeim. Loks drifum við okkur heim, þreytt eftir viðburðaríkan dag.

Í gær, laugardag, var Siggi líka að vinna og ég var bara að dúlla mér hérna heima. Um kvöldið komu Svo Nína Brá og Sibbi í mat til okkar og við kjöftuðum heilmikið og það var mjög gaman. Siggi kokkur sá um matinn en á boðstólnum voru sveppir fylltir með beikon og rjómaosti í forrétt, Svinalundir með fyllingu (sveppum, hvítlauk, sólþurrkuðum tómötum og basilku) í aðalrétt og ís með heitri berjasósu í eftirétt. Namm, namm.

Í dag fórum við í Ikea, og heimsóknir til ömmu og afa hans Sigga, Hörgatúnið og Grænahjallan. Foreldrar Sigga voru að koma frá Florida og ég græddi þessa fínu sumartösku og bodyspray. Siggi fékk tvo boli og brúnt M&M.

Já, þetta var helgarfléttan í þetta skiptið.

Ummæli

Vinsælar færslur af þessu bloggi

Þrjú ár

Í dag eru þrjú ár síðan ég átti einkasoninn, já ótrúlega fljótt að líða. Að sjálfsögðu er ég eins og flestar mæður og segi það hiklaust að þetta sé stærsta upplifun lífsins og besta og mesta afrek sem ég hef gert. Á þessum tíma fyrir þremur árum var ég búin að vera með hríðir í rúmlega sólahring og búið að sprengja belginn, komin með dripp í æð og ljósmóðirin sem var að fara að vakt var hálf svekkt yfir því að þurfa að fara þar sem hún var viss um að barnið væri að koma. Hann leit dagsins ljós sex tímum seinna.

Níu dagar

Það eru níu dagar þangað til að ég fer til Florida og ég er sko fyrir löngu byrjuð að telja niður. Það verður ágætt að yfirgefa þetta verður og fara í sólina í Orlando, Florida. Ég get ekki beðið...

Mikilvægasta heimilistækið

Við endurnýjuðum mikilvægasta heimilistækið í dag eftir miklar vangaveltur um hvort það borgaði sig því okkur fannst það heldur dýrt. Hinsvegar ef maður skoðar tölfræðina og kr/notkun þá mætti segja að þetta heimilistæki sé alveg peningana virði. Á þessu heimili er þetta heimilistæki notað daglega. Gamla útgáfan var orðinn úr sér gengin eftir margra ára notkun og misgóða meðferð. Allir fjölskyldumeðlimir nota þetta heimilistæki og það er stöðug barátta um yfirráð á því og eins og algengt er, vinnur oftast sá frekasti. Spurning dagsins er því, hvaða heimilistæki er hér verið að lýsa? Ég þreytist seint á að segja sögur af einkasyninum og í dag fór hann með okkur að velja heimilistækið. Í búðinni rakst hann á ísskáp og opnaði hann og sagði svo "enginn matur" og hrissti hausinn og fannst lítið varið þannig ísskáp.