Fara í aðalinnihald

Símarnir mínir

Ég á tæplega 10 ára gamlan þráðlausan heimasíma, geri aðrir betur. Ég mun ekki kaupa mér nýjan fyrr en þessi "deyr" alveg. Sumir hafa kvartað yfir því hvað það þurfi að hringja oft þangað til við heyrum í símanum, en hann hringir svona nokkrum sinnum á hinum endanum áður en hann fer að hringja hjá okkur en það er bara til að sía út þá eru t.d. með skoðanakannanir og reyna ekki til hlítar að ná í okkur. Einnig heyrir ég misvel í viðmælandanum eftir því hvernig síma viðmælandi minn er með en það er nú bara skemmtilegt og kryddar aðeins samtalið að segja "ha" óvenju oft. Ég er bara nokkuð stollt af símanum mínum og man þegar ég keypti hann rándýran í Teledanmark búð á Strikinu í Århus haustið 1998, þetta er sko sími með sögu. Hvað er þinn heimasími gamall?

Fyrst að ég er að skrifa um símann minn þá verð ég þó að viðurkenna að ég er ekki alveg sömu skoðunar með GSM símann minn. Mig langar svolítið í nýjan GSM síma þó svo að sá sem ég á þjóni alveg sínum tilgangi og vel það. Mig langar nefnilega í GSM síma með flottri myndavél. Síminn sem ég á núna er að verða fjögurra ára og er nr. 2 í röðinni frá því að ég loksins fékk minn fyrsta GSM síma fyrir um 8-9 árum. Aldrei að vita nema ég splæsi í einn GSM síma, verst að ég hef enga afsökun nema kannski að ég verði að kaupa mér nýjan síma svo að ég geti lært á alla nýju "fídusina" sem eru í boði í dag!!! Ég var einmitt að kíkja á GSM símann minn í dag og hlustaði þá á þrjú skilaboð sem ég hafði ekki hugmynd um að ég hefði fengið, það elsta um viku gamalt. Mæli ekki með að reyna að ná í mig í GSM nema auðvitað að ég fái mér nýjan síma, þá verður það allt annað mál eða...

Sem sagt tveir GSM símar og einn heimasími á 10 árum, geri aðrir betur.

Ummæli

Nafnlaus sagði…
Láttu mig fá nafnið og tegundina, ég skal kippa honum með í fríhöfninni á morgun :-)

Engin afsökun lengur hehehe

Bergrún
4. mars 2008 kl. 07:33
LBK sagði…
Púff!!!
Takk fyrir! Ef ég bara vissi hvernig síma mig langar í. Ákvörðunarfælnin er að fara með mig...

Lilja Bjarklind
4. mars 2008 kl. 23:05
Skrifa ummæli

Vinsælar færslur af þessu bloggi

Sumarfrí á enda

Kristófer Óli svaf eins og steinn í nýja rúmminu sínu og í herberginu sínu. Held að þetta hafi verið erfiðara fyrir foreldrana en hann. A.m.k. fyrir móður hans sem vaknaði örugglega fjórum sinnum um nóttina til að kíkja á hann. Föðursystir hans Kristófers Óla, sem hann kallar alltaf Göggu hæ kom í dag í heimsókn og fékk Kristófer Óla lánaðan og foreldrarnir tóku til í íbúðinni á meðan. Sér varla högg á vatni. Kristófer Óli var voða monntinn með nýja rúmmið sitt og æstist allur upp þegar hann var að sýna Göggu hæ það. Svo komu amma og afi úr Hörgatúninu með nýja dýnu í rúmmið, gæti ekki verið betra. Nú er bara að kenna drengnum að sofna sjálfum og á kopp og þá er foreldrahlutverkinu lokið, eða hvað? Annars er sumarfrí mitt á enda að þessu sinni, bara vinna á morgun. Dagurinn í dag var því bara í leti og lítið gert annað en að reyna að halda heimilinu í þokkalegu. Ég vinn reyndar ekki alla vikuna þar sem Kristófer litli Óli er að byrja í aðlögun í leikskólanum á morgun og verður það út v...
Skrifa ummæli
Lesa meira

Sund og grasekkja

Kíkti á nýju sundlaugina í Mosfellsbæ í dag með vinkonu minni og syni hennar og á örugglega eftir að fara þangað aftur. Fínasta aðstaða fyrir barnafólk og fullt af rennibrautum þó svo að einkasonurinn hafi aðeins þorað að fara í þá minnstu sem var í barnalauginn þá grunar mig að það sé ekki langt í það að hann prófi stærri rennibrautir. Annars er ég grasekkja þessa helgina þar sem eiginmaðurinn fór í golfferð sem er reyndar með styttra mót þetta árið. Frétti af honum þar sem hann var nýbúinn að spila 18 holur í grenjandi rigningu.
Skrifa ummæli
Lesa meira

Tölvumál

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.
3 ummæli
Lesa meira