Fara í aðalinnihald

Engin helgarflétta


Hálfur mánuður í sumarfrí og ég er farinn að telja niður, geri fastlega ráð fyrir að þá farið að rigna.

Ætluðum eiginega í útilegu um helgina en vorum svo ekki stemmd fyrir það og í staðinn þá áttum við yndislega helgi í rólegheitum heima hjá okkur og í göngutúrúm um nágrennið þar sem við rákumst meðal annars á þetta (sjá mynd) . Sem sagt gerðum bókstaflega ekki neitt og það var gaman.

Ummæli

Nafnlaus sagði…
Hæ Lilja mín. Veistu við erum búin að kaupa okkur bíl bara í dag. Fórum í Rvk til að skoða en okkur leist vel á Súbarúinn 99 módel keyrður 138 eitthvað mörg núll. Sjálfskiptur.
Takk fyrir síðast það var svo gaman hjá okkur og gaman að sjá hvað Gunnhildur er ánægð með íbúðina sína. Við erum að fara norður vonandi ekki í rigninguna en það eru einhverjar líkur á því. Við förum á nýja bílnum á miðvikudag. Heyrumst og sjáumst Lilja mín og skemmtu þér vel.
Kveðja Magga.
2. júlí 2007 kl. 22:53
LBK sagði…
Til hamingju með nýja bílinn, hlakka til að sjá hann. Heyrumst vonandi fljótlega og skemmtu þér vel í sumarfríinu.
4. júlí 2007 kl. 09:39
Skrifa ummæli

Vinsælar færslur af þessu bloggi

Sumarfrí á enda

Kristófer Óli svaf eins og steinn í nýja rúmminu sínu og í herberginu sínu. Held að þetta hafi verið erfiðara fyrir foreldrana en hann. A.m.k. fyrir móður hans sem vaknaði örugglega fjórum sinnum um nóttina til að kíkja á hann. Föðursystir hans Kristófers Óla, sem hann kallar alltaf Göggu hæ kom í dag í heimsókn og fékk Kristófer Óla lánaðan og foreldrarnir tóku til í íbúðinni á meðan. Sér varla högg á vatni. Kristófer Óli var voða monntinn með nýja rúmmið sitt og æstist allur upp þegar hann var að sýna Göggu hæ það. Svo komu amma og afi úr Hörgatúninu með nýja dýnu í rúmmið, gæti ekki verið betra. Nú er bara að kenna drengnum að sofna sjálfum og á kopp og þá er foreldrahlutverkinu lokið, eða hvað? Annars er sumarfrí mitt á enda að þessu sinni, bara vinna á morgun. Dagurinn í dag var því bara í leti og lítið gert annað en að reyna að halda heimilinu í þokkalegu. Ég vinn reyndar ekki alla vikuna þar sem Kristófer litli Óli er að byrja í aðlögun í leikskólanum á morgun og verður það út v...
Skrifa ummæli
Lesa meira

Sund og grasekkja

Kíkti á nýju sundlaugina í Mosfellsbæ í dag með vinkonu minni og syni hennar og á örugglega eftir að fara þangað aftur. Fínasta aðstaða fyrir barnafólk og fullt af rennibrautum þó svo að einkasonurinn hafi aðeins þorað að fara í þá minnstu sem var í barnalauginn þá grunar mig að það sé ekki langt í það að hann prófi stærri rennibrautir. Annars er ég grasekkja þessa helgina þar sem eiginmaðurinn fór í golfferð sem er reyndar með styttra mót þetta árið. Frétti af honum þar sem hann var nýbúinn að spila 18 holur í grenjandi rigningu.
Skrifa ummæli
Lesa meira

Tölvumál

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.
3 ummæli
Lesa meira