Fara í aðalinnihald

Fermingarafmæli


Ég gerði alveg stórmerkilega og frekar óþægilega uppgötvun um daginn. Eiginmaðurinn minntist þess að það væru 25 ár síðan hann fermdist og fannst mér það frekar fyndið hvað það væri langt síðan. Eftir að hafa hlegið að því í smá tíma uppgötvaði ég mér til minni skemmtunar að í ár eru 20 ár síðan ég fermdist. Á morgun, þann 16. apríl á ég einmitt 20 ára fermingarafmæli. Ef það er ekki ástæða til að halda uppá eitthvað þá veit ég ekki hvað. Ég finn a.m.k. uppá einhverju.

Þá er það bara sunnudagsgetraunin, hvað heitir kirkjan sem ég fermdist í og hvar er hún staðsett? Vísbending er myndin af kirkjunni hér að ofan.

Ummæli

Nafnlaus sagði…
Ég veit að þú fermdist á Hvolsvelli en hvað kirkjan heitir, veit ég ekki.
17. apríl 2007 kl. 08:56
LBK sagði…
Mikið rétt, Hvolsvöllur var það. Ég sé að svörin hrannast alveg upp :) Það ætti a.m.k. einn lesandi síðunnar að vita hvað kirkjan heitir. Bíð aðeins með svarið.
18. apríl 2007 kl. 21:34
Nafnlaus sagði…
hvolskirkja?
19. apríl 2007 kl. 18:27
LBK sagði…
Ágætis ágiskun.
Rétt svar er
Stórólfshvolskirkja
Enginn stórvinningshafi í þetta skiptið.

Kveðja, Lilja Bjarklind
21. apríl 2007 kl. 00:16
Skrifa ummæli

Vinsælar færslur af þessu bloggi

Sumarfrí á enda

Kristófer Óli svaf eins og steinn í nýja rúmminu sínu og í herberginu sínu. Held að þetta hafi verið erfiðara fyrir foreldrana en hann. A.m.k. fyrir móður hans sem vaknaði örugglega fjórum sinnum um nóttina til að kíkja á hann. Föðursystir hans Kristófers Óla, sem hann kallar alltaf Göggu hæ kom í dag í heimsókn og fékk Kristófer Óla lánaðan og foreldrarnir tóku til í íbúðinni á meðan. Sér varla högg á vatni. Kristófer Óli var voða monntinn með nýja rúmmið sitt og æstist allur upp þegar hann var að sýna Göggu hæ það. Svo komu amma og afi úr Hörgatúninu með nýja dýnu í rúmmið, gæti ekki verið betra. Nú er bara að kenna drengnum að sofna sjálfum og á kopp og þá er foreldrahlutverkinu lokið, eða hvað? Annars er sumarfrí mitt á enda að þessu sinni, bara vinna á morgun. Dagurinn í dag var því bara í leti og lítið gert annað en að reyna að halda heimilinu í þokkalegu. Ég vinn reyndar ekki alla vikuna þar sem Kristófer litli Óli er að byrja í aðlögun í leikskólanum á morgun og verður það út v...
Skrifa ummæli
Lesa meira

Sund og grasekkja

Kíkti á nýju sundlaugina í Mosfellsbæ í dag með vinkonu minni og syni hennar og á örugglega eftir að fara þangað aftur. Fínasta aðstaða fyrir barnafólk og fullt af rennibrautum þó svo að einkasonurinn hafi aðeins þorað að fara í þá minnstu sem var í barnalauginn þá grunar mig að það sé ekki langt í það að hann prófi stærri rennibrautir. Annars er ég grasekkja þessa helgina þar sem eiginmaðurinn fór í golfferð sem er reyndar með styttra mót þetta árið. Frétti af honum þar sem hann var nýbúinn að spila 18 holur í grenjandi rigningu.
Skrifa ummæli
Lesa meira

Tölvumál

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.
3 ummæli
Lesa meira