Fara í aðalinnihald

Páskafríið búið

Alvara lífsins tekur aftur við, vinna á morgun. 

Hvað gerði ég svo í páskafríinu?

Á skírdag löguðum við til í íbúðinni, held að það hafi ekki verið þrifði svona vel síðan á jólunum og fengum síðan gesti í mat. 
Föstudagurinn langi var langur. Við fórum í sund snemma um morguninn og svo seinni partinn fórum við í bíltúr. 
Laugardagurinn var reyndar lengri en föstudagurinn langi þar sem ég vakti í 20 tíma. Hann byrjaði með því að ég vaknaði um kl. 5 og gat ekki sofnað aftur þannig að ég fór bara á fætur. Bakaði snúða, byrjaði að prjóna "búkinn" á lopapeysuna sem ég er að gera fyrir eiginmanninn og svo drifum við okkur í fjöruferð sem endaði snögglega sökum kulda og í staðinn drifum við okkur í heimsókn. Um kvöldið hitti ég svo tvær vinkonur mínar. 
Páskasunnudagurinn byrjaði á því að við opnuðum öll páskaeggin okkar og það voru meira að segja tveir málshættir inni í páskaeggi einkasonarins, svo fórum við í tvö matarboð og Kristófer Óli æfði sig að hjóla. 
Í dag var Kristófer Óli nánast allan daginn að leika sér við vin sinn en við gömlu hjónin höfðum það gott hérna heima og ég hélt áfram að prjóna. Seinni partinn fórum við smá rúnt í Heiðmörk og kíktum m.a. á Rauðhólana. Loks fórum við í langþráða bíóferð með einkasoninn þar sem við sáum skrímsli og geimverur slást í þrívídd. 
Sem sagt nóg að gera um páskana og ætli það sé ekki tími til kominn að fara að sofa, enda vinna á morgun. 

Ummæli

Nafnlaus sagði…
úff ég veit varla hvort páskafríið var frí... brokkólí og blómkál var mér svo ofarlega í huga.....

Samyrkjbóndi
15. apríl 2009 kl. 15:50
Skrifa ummæli

Vinsælar færslur af þessu bloggi

Sumarfrí á enda

Kristófer Óli svaf eins og steinn í nýja rúmminu sínu og í herberginu sínu. Held að þetta hafi verið erfiðara fyrir foreldrana en hann. A.m.k. fyrir móður hans sem vaknaði örugglega fjórum sinnum um nóttina til að kíkja á hann. Föðursystir hans Kristófers Óla, sem hann kallar alltaf Göggu hæ kom í dag í heimsókn og fékk Kristófer Óla lánaðan og foreldrarnir tóku til í íbúðinni á meðan. Sér varla högg á vatni. Kristófer Óli var voða monntinn með nýja rúmmið sitt og æstist allur upp þegar hann var að sýna Göggu hæ það. Svo komu amma og afi úr Hörgatúninu með nýja dýnu í rúmmið, gæti ekki verið betra. Nú er bara að kenna drengnum að sofna sjálfum og á kopp og þá er foreldrahlutverkinu lokið, eða hvað? Annars er sumarfrí mitt á enda að þessu sinni, bara vinna á morgun. Dagurinn í dag var því bara í leti og lítið gert annað en að reyna að halda heimilinu í þokkalegu. Ég vinn reyndar ekki alla vikuna þar sem Kristófer litli Óli er að byrja í aðlögun í leikskólanum á morgun og verður það út v...
Skrifa ummæli
Lesa meira

Sund og grasekkja

Kíkti á nýju sundlaugina í Mosfellsbæ í dag með vinkonu minni og syni hennar og á örugglega eftir að fara þangað aftur. Fínasta aðstaða fyrir barnafólk og fullt af rennibrautum þó svo að einkasonurinn hafi aðeins þorað að fara í þá minnstu sem var í barnalauginn þá grunar mig að það sé ekki langt í það að hann prófi stærri rennibrautir. Annars er ég grasekkja þessa helgina þar sem eiginmaðurinn fór í golfferð sem er reyndar með styttra mót þetta árið. Frétti af honum þar sem hann var nýbúinn að spila 18 holur í grenjandi rigningu.
Skrifa ummæli
Lesa meira

Tölvumál

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.
3 ummæli
Lesa meira