Fara í aðalinnihald

Læst inni

Ég fór í gönguferð í gær með Sigurborgu frænku, það var virkilega gaman í góða og hlýja veðrinu sem er loksins komið, maður fer að halda að það gæti komið vor bráðum. Jæja, ætli það eigi ekki eftir að koma einhver snjór og frost áður en það gerist. Við löbbuðum um hverfið, niður í bæ, upp tröppurnar við MR, um Þingholtin og svo til baka aftur. Þegar að við vorum búnar að því sáum við nú að við þyrftum nú að bæta þessu öllu á okkur aftur, þannig að við fórum bara á McDonalds og fengum okkur kjúklingaborgara.


En þá er komið að sögu mánaðarins. Hvað ætli Lilju hafi tekist að gera í dag. Já, mér tókst að læsa mig inní þvottahúsi. Siggi var ekki heima og ég var ekki með síman minn (já þetta var eitt af þessu fáu stundum sem maður nauðsynlega þarf á síma að halda).
Þannig er mál með vexti að það vantar hurðahún að innan en ég hef oft lokað þvottahúsinu og samt komist út. Nú var bara ekki nokkur leið að komast út, ó nei. Ég hjakkaði á hurðinni, barði hitaveiturör og loftið (þannig að það heyrðist í einhverjar íbúðir). Reyndi að snúa einhverjum takka með blómaskóflu sem gekk ekki nógu vel. Ég byrjaði svo að reyna moka út hurðina sem er eldgömul og má sko skipta um.

Þegar ég var búin að vera þarna í hálftíma þá kom nágranni minn (eldri maður sem býr í risinu) heim. Ég öskraði hjálp og halló, bankaði á gluggan og ég veit ekki hvað þegar að hann var að fara inn um aðalinnganginn (sem er við hliðiná þvottahúsinu, þvottahúsið er þó í kjallaranum en aðalinngangurinn er á fyrstu hæð). Sem betur fer heyrði hann í mér og mér var bjargað.

Ég var alveg búin að búa mig undir að vera þarna í nokkra tíma, eftir því hvenær Siggi kæmi heim og hvort hann heyrði þá í mér. Þannig að í raun fór þetta betur en á horfðist í fyrstu. En fyrir mig er þetta sko ævintýri mánaðarins.

Ummæli

Skrifa ummæli

Vinsælar færslur af þessu bloggi

Sumarfrí á enda

Kristófer Óli svaf eins og steinn í nýja rúmminu sínu og í herberginu sínu. Held að þetta hafi verið erfiðara fyrir foreldrana en hann. A.m.k. fyrir móður hans sem vaknaði örugglega fjórum sinnum um nóttina til að kíkja á hann. Föðursystir hans Kristófers Óla, sem hann kallar alltaf Göggu hæ kom í dag í heimsókn og fékk Kristófer Óla lánaðan og foreldrarnir tóku til í íbúðinni á meðan. Sér varla högg á vatni. Kristófer Óli var voða monntinn með nýja rúmmið sitt og æstist allur upp þegar hann var að sýna Göggu hæ það. Svo komu amma og afi úr Hörgatúninu með nýja dýnu í rúmmið, gæti ekki verið betra. Nú er bara að kenna drengnum að sofna sjálfum og á kopp og þá er foreldrahlutverkinu lokið, eða hvað? Annars er sumarfrí mitt á enda að þessu sinni, bara vinna á morgun. Dagurinn í dag var því bara í leti og lítið gert annað en að reyna að halda heimilinu í þokkalegu. Ég vinn reyndar ekki alla vikuna þar sem Kristófer litli Óli er að byrja í aðlögun í leikskólanum á morgun og verður það út v...
Skrifa ummæli
Lesa meira

Sund og grasekkja

Kíkti á nýju sundlaugina í Mosfellsbæ í dag með vinkonu minni og syni hennar og á örugglega eftir að fara þangað aftur. Fínasta aðstaða fyrir barnafólk og fullt af rennibrautum þó svo að einkasonurinn hafi aðeins þorað að fara í þá minnstu sem var í barnalauginn þá grunar mig að það sé ekki langt í það að hann prófi stærri rennibrautir. Annars er ég grasekkja þessa helgina þar sem eiginmaðurinn fór í golfferð sem er reyndar með styttra mót þetta árið. Frétti af honum þar sem hann var nýbúinn að spila 18 holur í grenjandi rigningu.
Skrifa ummæli
Lesa meira

Tölvumál

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.
3 ummæli
Lesa meira