Fara í aðalinnihald
Karma
Jæja ég labbaði bara heim í góða veðrinu í gær og tók nokkrar myndir sem hægt er að sjá á heimasíðu okkar hjónanna seinna í kvöld þegar að ég nenni að setja þær inn. Svo þegar að ég var alveg að komast heim þá fattaði ég að ég hafði barasta gleymt veskinu mínu í vinnunni en ég beið bara eftir að Siggi kæmi heim og þá brunuðum við aftur í vinnuna og sóttum veskið.

Í gærkvöldi þá settist ég fyrir framan tölvuna og skrifaði lista yfir þær jólgjafir sem ég er búin að kaupa og þær sem ég á eftir að kaupa. Já mörgum finnst ég örugglega hálf rugluð að vera með þetta svona skipulagt og skjalfest en það hentar mér bara lang best. Ég er eiginlega búin að kaupa allar jólagjafirnar og þær sem ég á eftir að kaup er ég eiginlega búin að ákveða hvað verður. Í desember þarf ég ekkert að hafa áhyggjur af jólagjafakaupum og get bara haft það gott með smá "julehygge" eins og danskurinn segir.

Annars var mér einnig boðið starf í fyrradag en neitaði því þar sem ég vildi ekki fara á sjóinn í 4 vikur jafnvel oft á ári!!! Var reyndar með nokkuð samviskubit yfir því að neita þessu og hálf hrædd um að ég fengi ekkert annað starf, og þá yrði þetta svona "Bad Karma" eins og þeir segja í bíómyndunum en ég gat bara ekki hugsað mér að vera í einhverju sjómannslífi og svo voru launin ekkert til að hrópa húrra fyrir. Þetta er reyndar eina starfið sem mér hefur litist á og hef sótt um hingað til!!! Kannski ekki alveg nógu gott það og ég hætti í þessari vinnu núna um áramótin. Ég ætla allavega að vera í fríi á morgun og þá er aldrei að vita nema að maður fari og sæki um einhver störf.

Ummæli

Skrifa ummæli

Vinsælar færslur af þessu bloggi

Sumarfrí á enda

Kristófer Óli svaf eins og steinn í nýja rúmminu sínu og í herberginu sínu. Held að þetta hafi verið erfiðara fyrir foreldrana en hann. A.m.k. fyrir móður hans sem vaknaði örugglega fjórum sinnum um nóttina til að kíkja á hann. Föðursystir hans Kristófers Óla, sem hann kallar alltaf Göggu hæ kom í dag í heimsókn og fékk Kristófer Óla lánaðan og foreldrarnir tóku til í íbúðinni á meðan. Sér varla högg á vatni. Kristófer Óli var voða monntinn með nýja rúmmið sitt og æstist allur upp þegar hann var að sýna Göggu hæ það. Svo komu amma og afi úr Hörgatúninu með nýja dýnu í rúmmið, gæti ekki verið betra. Nú er bara að kenna drengnum að sofna sjálfum og á kopp og þá er foreldrahlutverkinu lokið, eða hvað? Annars er sumarfrí mitt á enda að þessu sinni, bara vinna á morgun. Dagurinn í dag var því bara í leti og lítið gert annað en að reyna að halda heimilinu í þokkalegu. Ég vinn reyndar ekki alla vikuna þar sem Kristófer litli Óli er að byrja í aðlögun í leikskólanum á morgun og verður það út v...
Skrifa ummæli
Lesa meira

Sund og grasekkja

Kíkti á nýju sundlaugina í Mosfellsbæ í dag með vinkonu minni og syni hennar og á örugglega eftir að fara þangað aftur. Fínasta aðstaða fyrir barnafólk og fullt af rennibrautum þó svo að einkasonurinn hafi aðeins þorað að fara í þá minnstu sem var í barnalauginn þá grunar mig að það sé ekki langt í það að hann prófi stærri rennibrautir. Annars er ég grasekkja þessa helgina þar sem eiginmaðurinn fór í golfferð sem er reyndar með styttra mót þetta árið. Frétti af honum þar sem hann var nýbúinn að spila 18 holur í grenjandi rigningu.
Skrifa ummæli
Lesa meira

Tölvumál

Búið að vera brjálað að gera í vinnunni en það er nú líka bara skemmtilegt. Maður gerir þó ekki mikið á meðan en fara í vinnuna og heim aftur, a.m.k. í þessu ásigkomulagi. Komin 30 vikur núna um helgina og 10-12 vikur eftir og ég ekki byrjuð á neinu til að undir búa komu lille baby! Mig langar í nýja tölvu. Okkar tölva er að verða 5 ára gömul og gengur frekar hægt. Þarf að ýta 10x á R á lyklaborðinu til að fá hann fram og stafurinn er dottin af. Það er nú ekki svo sjaldan sem maður notar rrrrrr. Væri betra ef það væri Z. En ég var að spá í hvort að maður ætti að skipta yfir í Macintosh tölvu! http://epli.is/vorur/fartolvur/macbook/ eða bara halda áfram að skrifa sem minnst á tölvuna og láta sig hafa það að bíða og bíða á meðan maður er á netinu. En ég er að verða brjáluð á þessu rrrrrrrrrrrrrr veseni.
3 ummæli
Lesa meira